ՏԵՍԱՆՅՈՒԹ․ Պետք է թողնել նախորդ դարում․ Ավինյանը՝ սեռով պայմանավորված հղիության ընդհատումների մասին
Դեկտեմբերին Երևանում ծնվել է 1954 երեխա` 988 տղա, 856 աղջիկ: Տարվա կտրվածքով երեխաների ծննդյան տվյալներն այսպիսին են` 15 606 երեխա, որից 8069 տղա, 7837 աղջիկ: Այս թվերը ներկայացվեցին Երևանի քաղաքապետարանի գործակարգավարական նիստի ժամանակ:
Քաղաքապետ Տիգրան Ավինյանի խոսքով` սա թեպետ կարծես նորմալ հարաբերակցություն է, սակայն տղաների թիվը մի փոքր ավել է:
«Դրական է դինամիկան հղիության սելեկտիվ ընդհատումների, բայց կարծում եմ` դեռևս առկա է խնդիր, ժամանակ առ ժամանակ պետք է խոսել այդ մասին, որ նման մտածելակերպի ժամանակը վաղուց անցել է, սեռով պայմանավորված հղիության ընդհատումները պետք է թողնել նախորդ դարում, թեկուզ նոր տարին սկսել մի փոքր այլ մտածողությամբ: Անկախ սեռից` բոլորն ունեն ծնվելու և արելու իրավունք, և մանավանդ սեռով պայմանավորված հղիության ընդհատումները սխալ բան են և բնության դեմ գործընթաց»,- ասաց նա:
Մանրամասները՝ տեսանյութում։
