Որերորդ տեղում է ՀՀ անձնագիրն աշխարհում
Global Passport Index-ը հրապարակել է 2024թվականի աշխարհի ամենագրավիչ և մրցունակ անձնագրերի վարկանիշը։
Առաջին հորիզոնականում Արաբական Միացյալ Էմիրությունների անձնագիրն է։ Երկրորդ հորիզոնականում են միաժամանակ Գերմանիան, Իսպանիան, Ֆրանսիան, Իտալիան և Նիդերլանդները։ Իսկ երրորդում Շվեդիան, Ֆինլանդիան, Լյուքսեմբուրգը, Ավստրիան և Շվեյցարիան։
Մեր տարածաշրջանում առաջատարը Վրաստանն է՝ 34-րդ տեղում (96-ից), այնինչ Հայաստանն ու Ադրբեջանը կիսում են 61-րդ տեղը։
Նշենք, որ ՀՀ անձնագրով հնարավոր է առանց վիզա մեկնել 37 երկիր, 46 երկիր՝ տեղում վիզայով, և 115 երկիր՝ նախապես ստացված վիզայով։ Նախորդ տարի ՀՀ անձնագիրը զբաղեցրել էր 62-րդ հորիզոնականը՝ բարելավելով իր դիրքը։
