Կարապետյանը 6 մլն դրամի փոխհատուցում է պահանջում Ալեն Սիմոնյանից. դատարանը վարույթ է ընդունել

Դատարանը վարույթ է ընդունել «Ուժեղ Հայաստան» կուսակցության ղեկավար Սամվել Կարապետյանի հայցն ընդդեմ ԱԺ նախագահ Ալեն Սիմոնյանի։

Կարապետյանը պահանջում է պարտավորեցնել Ալեն Սիմոնյանին հրապարակայնորեն հերքել իր վերաբերյալ հայտարարությունը: Այդ մասին տեղեկանում են Դատալեքսից: 

Իսկ որպես զրպարտության համար փոխհատուցում՝ պահանջում է Ալեն Սիմոնյանից հօգուտ Սամվել Կարապետյանի բռնագանձել 6.000.000 ՀՀ դրամ։

Նշենք, որ Սիմոնյանը հայտարարել էր, որ իրավապահները պետք է գնահատական տան, թե որքանով է իրավաչափ արտաքին այլ երկրի հետախուզական ծառայության աշխատակցի կողմից Հայաստանում կուսակցություն հիմնելը և քաղաքականության մեջ մտնելը։