Մոտ 150 ավտոմեքենա Լեհաստանի հետ Կալինինգրադի սահմանին հերթում է

Լեհաստանի հետ ՌԴ Կալինինգրադի մարզի սահմանին գտնվող Մամոնովո 2 բազմակողմ ավտոմոբիլային անցակետում հերթը հասել է 150 ավտոմեքենայի, և մեքենաները շարունակում են մոտենալ: Այս մաին «ՌԻԱ Նովոստի»-ի փոխանցմամբ, հայտնել է Կալինինգրադի մաքսատան մամուլի քարտուղարը:

Հունվարի 6-ին Մամոնովո 2-ում 130 մեկնող մարդատար ավտոմեքենա է եղել։ Առավոտյան սահմանակից կողմը սկսել է շատ վատ ընդունել տրանսպորտային միջոցները, իսկ տեղական ժամանակով ժամը 8.00-ից մինչեւ 9.00-ն լեհերն ընդհանրապես ոչ մի մեքենա չեն ընդունել, նշել են մաքսատանը:

«Մեկ օրում Կալինինգրադի մաքսավորները ելքի համար ձեւակերպել են 512 տրանսպորտային միջոց։ Բայց կարելի էր ավելի շատ ձևակերպել 100-ով կամ 200-ով, եթե հարակից կողմն ավելի օպերատիվ աշխատեր։ Հերթն աճել է, միայն ՌԴ-ից ելքի անցակետի դիմաց մոտ 150 մարդատար է կանգնած։ Եվ մեքենաները շարունակում են մոտենալ»,- հայտնել Է մամուլի քարտուղարը։

Վերջինս նաև ընդգծել է, որ Մամոնովո 2-ում հերթը բաղկացած է միայն արտասահմանյան համարանիշերով մարդատար ավտոմեքենաներից։