Թռիչքի ընթացքում ինքնաթիռի պատուհանի պոկվելուց հետո` ավիաընկերությունը հրաժարվել Է դրանցից
Ամերիկյան Alaska Airlines ավիաընկերությունը ժամանակավորապես հրաժարվել է Boeing 737-9 ինքնաթիռների օգտագործումից՝ պատուհանի և դրանցից մեկի ֆյուզելյաժի մի մասի պոկվելու պատճառով: Այս մասին հաղորդվում է ավիափոխադրողի կայքում։ Տեղեկությունը փոխանցում է lenta.ru-ն:
Նշվում է, որ Alaska Airlines-ի տնօրինության տակ գտնվող բոլոր 65 ինքնաթիռները կվերադարձվեն շահագործման միայն ամբողջական տեխնիկական սպասարկման և անվտանգության ստուգումների ավարտից հետո: Դա տեղի կունենա առաջիկա օրերի ընթացքում, նշել է ավիաընկերության գլխավոր տնօրեն Բեն Մինիկուչին։
Ավելի վաղ հայտնել էինք, որ Alaska Airlines-ի ուղևորատար ինքնաթիռն արտակարգ վայրէջք էր կատարել Օրեգոն նահանգի Պորտլենդ քաղաքում՝ թռիչքի ժամանակ պոկված պատուհանի և ֆյուզելյաժի մի մասի պատճառով: Ինքնաթիռում եղել է 174 ուղևոր և անձնակազմի 6 անդամ, ոչ ոք չի տուժել:
