Իրանի նախագահը Էրդողանի հետ մասնավոր հանդիպում կանցկացնի. ինչ է հայտնի

Իրանի նախագահ Էբրահիմ Ռայիսին վաղը պաշտոնական այցով կայցելի Թուրքիա։ Ալս մասին հայտնում է «Իրնա» գործակալությունը։

Հաղորդվում է, որ այցի ընթացքում Ռայիսին կհանդիպի Թուրքիայի նախագահ Ռեջեփ Թայիփ Էրդողանի հետ, իսկ հետո կկայանա Իրանի և Թուրքիայի համագործակցության բարձրագույն խորհրդի ութերորդ նիստը՝ Ռայիսիի և Էրդողանի նախագահությամբ:

Դրանից հետո նախագահներն ասուլիսում կներկայացնեն իրենց բանակցությունների արդյունքները։

Այս այցի ընթացքում երկու նախագահները կմասնակցեն նաև Իրանի և Թուրքիայի առևտրականների և տնտեսական գործիչների համատեղ նիստին։ Ռայիսին կհանդիպի նաև Թուրքիայում բնակվող իրանցիների հետ:

«Այաթոլլա Սեյեդ Էբրահիմ Ռայիսին այցի ընթացքում Թուրքիայի նախագահ Ռեջեփ Թայիփ Էրդողանի Պաշտոնական ընդունելությունից հետո նրա հետ մասնավոր հանդիպում կանցկացնի, իսկ հետո կկայանա Իրանի և Թուրքիայի համագործակցության բարձրագույն խորհրդի ութերորդ նիստը ՝ երկու նախագահների նախագահությամբ»,- ասված է հայտարարության մեջ: