Էբրահիմ Ռաիսին հետաձգել է այցը Թուրքիա

Իրանի առաջնորդ Էբրահիմ Ռաիսին հետաձգել է հունվարի 4-ին նախատեսված իր այցը Թուրքիա՝ կապված չորեքշաբթի Քերմանում տեղի ունեցած ահաբեկչության հետ, որի հետևանքով ավելի քան հարյուր մարդ է զոհվել։

Ավելի վաղ մի քանի պայթյուն էր որոտացել Քերմանի գերեզմանատանը։ Այդ ժամանակ այնտեղ ընթանում էր Ղասեմ Սոլեյմանիի հիշատակի արարողություն՝ նա սպանվել է 2020 թվականի հունվարի 3-ին Բաղդադի օդանավակայանի մոտ ԱՄՆ ռազմաօդային ուժերի հրթիռային հարվածի արդյունքում։ Tasnim գործակալությունը գրում է, որ գերեզմանատան մուտքի մոտ եղել է երկու փաթեթ՝ ռումբերով, որոնք կարող էին պայթեցնել հեռահար։ 

Իրանի նախագահ Էբրահիմ Ռաիսին հայտարարել է, որ Քերմանում Ղասեմ Սոլեյմանիի գերեզմանի վրա տեղի ունեցած ահաբեկչության կազմակերպիչները կպատժվեն, և նրանց գործողությունները չեն խանգարի իսլամական իդեալների պահպանմանը։ Նա պայթյունների մեջ ներգրավվածներին ազգի թշնամի է անվանել։