Կոպիրկինը` ՀՀ–ում հակառուսական տրամադրությունների մասին
ՀՀ–ում Ռուսաստանի արտակարգ և լիազոր դեսպան Սերգեյ Կոպիրկինը հայտարարել է, որ հայ իրականության մեջ չի բախվել հակառուսական տրամադրությունների։ Այս մասին նա ասել է Հայաստանի հանրային հեռուստաընկերությանը տված հարցազրույցում։
Դիվանագետը նշել է, որ ընտանիքի հետ արդեն 5,5 տարի ապրում է Հայաստանում, նրանց մոտ շատ ջերմ և բարի հարաբերություններ են ձևավորվել բազմաթիվ հայերի հետ։
«Ես երբեք չեմ կարծել, չեմ կարծում և չեմ կարծելու, որ հայ ժողովուրդը հակառուսական տրամադրություններ ունի։ Կենցաղային մակարդակում շփման մեջ բոլորովին այլ իրողություններ եմ տեսնում։ Ոչ ոք հայերին չի մեղադրել հակառուսական տրամադրություններում»,– նշել է Կոպիրկինը։
Կոպիրկինը միաժամանակ հասկանում է, թե ինչ քարոզարշավ է սկսվել և ինչ ուժեր են ներգրավված Ռուսաստանի վարկաբեկման, հայ հասարակության մեջ Ռուսաստանի և նրա նպատակների մասին բացասական կարծիք ձևավորելու գործում:
