Հյուրեր, որ ունենում ենք, այդ մարդկանց կոնյակ պե՞տք է նվիրենք. Ավինյան
Այս տարի քաղաքապետարանի և վարչական շրջանների աշխատակիցների կողմից իրականացվել է ահռելի աշխատանք և նրանք, կարծում եմ, արժանի են որոշ չափով գովեստի։ Այս մասին տարեվերջյան ամփոփիչ մամուլի ասուլիսի ժամանակ ասել է Երևանի քաղաքապետ Տիգրան Ավինյանը՝ մեկնաբանելով լրագրողի այն դիտարկումը, որ Երևանի վարչական շրջաններից մեկի ղեկավարությունը ամանորյա կորպորատիվի համար 3 մլն դրամ է ծախսել, որի ցանկում նաև 10 տարվա հնեցման կոնյակներ են եղել։
«Ամեն ինչ իր տեղն ունի: Խոսակցության մակարդակն անընդհատ այս աստիճանի պրիմիտիվացնել ուղղակի չի կարելի:
Երևանի քաղաքապետարանի այս ահռելի ծախսերի մեջ գնալ, կենտրոնանալ մի հատ կոնյակի գնման վրա։ Հյուրեր, որ ունենում ենք, այդ մարդկանց կոնյակ պե՞տք է նվիրենք, թե՝ ոչ: Իսկ թա՞նկ կոնյակ է եղել»,- հարցրել է Ավինյանը:
Քաղաքապետի կարծիքով՝ այստեղ ավելի կարևորը ոչ թե ծառայության գնման չափը կամ ձևն է, այլ՝ որակը:
