Մենք երբեք չենք միջամտել և չենք պատրաստվում միջամտել որևէ մեկի ներքին գործերին․ Պեսկով

Սերբիայի ղեկավարությունը ի վիճակի է ձեռնարկել բոլոր միջոցները երկրում անվտանգության ապահովման համար։ Այն ամենը, ինչ կատարվում է, երկրի բացառապես ներքին գործն է, Ռուսաստանը չի միջամտել և չի պատրաստվում միջամտել որևէ մեկի ներքին գործերին, հատկապես գործընկեր Սերբիայի ներքին գործերին։ Այս մասին ասել է Ռուսաստանի նախագահ Դմիտրի Պեսկովի մամուլի քարտուղարը:

«Այն ամենը, ինչ տեղի է ունենում, բացառապես Սերբիայի ներքին գործն է: Սերբիայում կա իրավական, օրինական ղեկավարություն, որը, ըստ մեր համոզմունքների, կարող է ձեռնարկել բոլոր անհրաժեշտ միջոցները:

Մենք երբեք չենք միջամտել և չենք պատրաստվում միջամտել որևէ մեկի ներքին գործերին, հատկապես դաշնակից և գործընկեր Սերբիայի: Մենք համախմբված ենք ընդհանուր պատմական և մշակութային ժառանգությամբ, մենք շատ զգույշ ենք մեր հարաբերություններում և մենք դրանք իսկապես գնահատում ենք», - ասել է Պեսկովը լրագրողներին:

Հիշեցնենք՝ ավելի վաղ Սերբիայի վարչապետը շնորհակալություն էր հայտնել Ռուսաստանին նախապատրաստվող անկարգությունների մասին նախազգուշացնելու համար: Բելգրադում ընտրությունների արդյունքներից դժգոհ ընդդիմության ներկայացուցիչները երեկ փորձել են ներխուժել քաղաքապետարանի շենք։ Ցուցարարները կոտրել են շենքի դռների ապակիները, ի պատասխան, ոստիկանությունն արցունքաբեր գազ է կիրառել, ավելի քան 30 ցուցարար է ձերբակալվել։