Ուկրաինան Եվրամիության կողմից 2023 թվականի օգնության վերջին տրանշն է ստացել. Ուրսուլա ֆոն դեր Լեյեն
Եվրամիությունը դեկտեմբերին Ուկրաինային օգնության տրանշ է փոխանցել մեկուկես միլիարդ եվրոյի չափով։ Այս մասին X սոցիալական ցանցի իր էջում հայտնել է Եվրահանձնաժողովի ղեկավար Ուրսուլա ֆոն դեր Լեյենը։
«Այսօր մենք փոխանցեցինք 2023 թվականին Ուկրաինայի մեր 18 միլիարդ եվրոյի օգնության փաթեթի 1,5 միլիարդ եվրոյի վերջնական մասնաբաժինը», - գրել է նա:
Եվրոպական խորհրդի ղեկավար Շառլ Միշելը ավելի վաղ հույս էր հայտնել, որ ԵՄ առաջնորդները կկարողանան միաձայն հաստատել Ուկրաինային աջակցելու նախագիծը 2024 թվականի սկզբին։ Այնուամենայնիվ, դեկտեմբերի 15-ին Հունգարիայի վարչապետ Վիկտոր Օրբանը հայտարարեց Կիևին 50 միլիարդ եվրոյի օգնությունն արգելափակելու մասին։ Մինչ այս Բուդապեշտը դեմ էր 20 միլիարդանոց ռազմական աջակցության փաթեթին։
