ՏԵՍԱՆՅՈՒԹ․ Պուտինը հանձնում է նախագահի թեկնածու գրանցվելու համար փաստաթղթերը

Ռուսաստանի նախագահ Վլադիմիր Պուտինը ժամանել է ՌԴ կենտրոնական ընտրական հանձնաժողով՝ 2024 թվականին կայանալիք նախագահական ընտրություններին մասնակցելու համար փաստաթղթեր ներկայացնելու համար։ Տեղեկությունը փոխանցում է ՏԱՍՍ-ը։

Պուտինը ընտրություններին գնում է ինքնաառաջադրված։ Ըստ ընտրական օրենսդրության, դրա համար նրան անհրաժեշտ էր ստեղծել առնվազն 500 հոգանոց ընտրողների խումբ:

Ժողովը տեղի է ունեցել դեկտեմբերի 16-ին, մասնակիցները միաձայն աջակցել են Պուտինին: Կենտրոնական ընտրական հանձնաժողով ներկայացվող փաստաթղթերի փաթեթը ներառում է խմբի գրանցման մասին միջնորդագիր՝ թեկնածուի և բոլոր մասնակիցների անձնական տվյալների նշումով, ժողովի արձանագրություն, խմբի լիազորների ցուցակ, թեկնածու առաջադրվելու համաձայնության մասին հայտարարություն և այլ փաստաթղթեր:

Հիշեցնենք, որ դեկտեմբերի 8-ին Պուտինը հայտարարել էր 2024 թվականի նախագահական ընտրություններին մասնակցելու մտադրության մասին։