Ադրբեջանի վարչապետը խոսել է տարածաշրջանում խաղաղության հասնելու մասին

Ադրբեջանի և Հայաստանի կառուցողական երկխոսության շարունակումը խիստ կարևոր է տարածաշրջանի խաղաղության համար։ Այս մասին այսօր Մոսկվայում՝ ԱՊՀ կառավարությունների ղեկավարների հավաքում ասել է Ադրբեջանի վարչապետ Ալի Ասադովը:

«Կցանկանայի ևս մեկ անգամ հայտնել Ադրբեջանի վճռականությունը՝ շարունակելու իր ջանքերը տարածաշրջանի խաղաղության և անվտանգության ամրապնդման համար»,- հայտարարել է Ադրբեջանի կառավարության ղեկավարը:

Նրա խոսքով` հաշվի առնելով վերջին շրջանի դրական ազդակները` Բաքվում չափազանց կարևոր են համարում այդ ուղղությամբ կառուցողական երկխոսության շարունակությունը։

«Ստեղծված պատմական հնարավորության ռացիոնալ օգտագործումը թույլ կտա մեզ հասնել տարածաշրջանում երկար սպասված խաղաղությանը և հույս կստեղծի մեր տարածաշրջանում բոլոր մարդկանց խաղաղ և անվտանգ համակեցության համար»,- ընդգծել է նա: