Արցախի պատգամավորները հանդիպել են Սամվել Շահրամանյանի հետ. վերջինս փակագծեր չի բացել. «Հրապարակ»
Արցախի Ազգային ժողովի պատգամավորները փակ նիստից հետո կրկին հանդիպել են նախագահ Սամվել Շահրամանյանի հետ, քննարկել տեղահանվածների կարիքների հարցը եւ դրանց լուծման ճանապարհները, սակայն դրանից բացի քննարկել են նաեւ Շահրամանյանի` Արցախը լուծարելու մասին տխրահռչակ որոշման ճակատագիրը։
Հիշեցնենք, որ այդ որոշմամբ Արցախի պետական ինստիտուտները հաշված օրեր անց՝ 2024թ. հունվարի 1-ին, պետք է լուծարվեն։
Շահրամանյանը փակագծեր չի բացել, միայն ասել է, որ ինքն է այդ որոշումն ընդունողը եւ հետեւանքների կրողը, ուստի ինքը գիտի իր անելիքները, գրում է «Հրապարակ» թերթը:
Թերթի աղբյուրները փոխանցեցին նաեւ, որ ինտենսիվ աշխատանքներ են տարվում Արցախի հարցով միջազգային հանձնախմբի ստեղծման ուղղությամբ, որը նախորդ նիստում էր մեկնարկել:
