Արգենտինայի նախագահը արգելել է բողոքի ցույցերը երկրում
Արգենտինայի նախագահ Խավիեր Մայլին արգելել է բողոքի ցույցերը երկրում
Նա նաև հայտարարեց ազգային նոր ռեգիստր ստեղծելու մասին, որտեղ կներառվեն ցույցերին մասնակցող բոլոր ցուցարարներն ու կազմակերպությունները։ Հետաքրքիր է, որ դրանում կընդգրկվեն նաև ցուցարարներին շչակներով աջակցող վարորդները։
Ընդդիմությունը նոր միջոցները հակասահմանադրական է համարում և չափազանց դժգոհ է նախագահ Մայլիի նախաձեռնությունն իրականացրած Ազգային անվտանգության նախարար Պատրիսիա Բուլրիխի գործողություններից։
Արգենտինայի կառավարությունը պնդում է, որ խոսքը ոչ թե հանրահավաքների և բողոքի ցույցերի ամբողջական արգելքի մասին է, այլ միայն դրանց անցկացման նոր դաշնային արձանագրության։ Իբր, հիմնական նպատակը հանրահավաքները ճանապարհից տեղափոխելն է, որպեսզի չխոչընդոտեն երթևեկության հոսքը։
