Պուտինն ու Սաուդյան Արաբիայի թագաժառանգը բանակցություններ են սկսել
ՌԴ նախագահ Վլադիմիր Պուտինը բանակցություններ է սկսել թագաժառանգ, Սաուդյան Արաբիայի նախարարների խորհրդի նախագահ Մուհամեդ Բեն Սալման Ալ Սաուդի հետ, հաղորդում է ՌԻԱ Նովոստիի թղթակիցը:
Հաղորդվում է, որ առաջնորդները պատրաստվում են քննարկել առևտրատնտեսական և ներդրումային ոլորտներում երկկողմ համագործակցության հարցերը, բազմակողմ ձևաչափերում փոխգործակցության տարբեր բնագավառներ:
Ակնկալվում է կարծիքների փոխանակում միջազգային հրատապ խնդիրների շուրջ, կարող է դիտարկվել նաև պաղեստինա-իսրայելական հակամարտության գոտում առկա իրավիճակը, ինչպես նաև լարվածության թուլացմանը նպաստելու ուղիները: Այլ հնարավոր թեմաների թվում են Սիրիայում և Եմենում իրավիճակի կարգավորումը, Պարսից ծոցի գոտում կայունության ապահովումը:
