Մոսկվայում՝ մերձկասպյան երկրների արտաքին գործերի նախարարների խորհրդի նիստի շրջանակում հանդիպել են Իրանի և Ադրբեջանի ԱԳ նախարարներ Հուսեյն Ամիր Աբդուլլահիյանը և Ջեյհուն Բայրամովը։

Կողմերը քննարկել են երկու երկրների միջև երկկողմ և տարածաշրջանային հարցերը, ինչպես նաև տարածաշրջանում առկա իրավիճակը, գրում է APA-ն։

Ադրբեջանի ԱԳ նախարարը իրանցի պաշտոնակցին տեղեկացրել է «Ադրբեջանի և Հայաստանի միջև խաղաղության գործընթացի հեռանկարները»։

Բայրամովն ընդգծել է, իբր «Հայաստանին զինելու փորձերը սպառնում են տարածաշրջանում խաղաղությանն ու կայունությանը»։

Մտքեր են փոխանակվել նաև տարածաշրջանային այլ հարցերի շուրջ: