Գերմանիայում գովել են Պուտինին
Արեւմտյան երկրների խաղադրույքը, թե Ռուսաստանը կպարտվի Ուկրաինայի հետ հակամարտությունում, չիրականացավ՝ ռուսական տնտեսությունն ուժեղացել է անցյալ տարվա փետրվարից։ Այս մասին գրել է գերմանական Der Spiegel թերթի սյունակագիր Ան-Դորիտ Բոյը։
Նրա կարծիքով, ՌԴ նախագահ Վլադիմիր Պուտինին կարելի է հաղթող անվանել, իսկ նրա քաղաքական ու տնտեսական ռազմավարությունը հաջողված։
Բոյը հավելել է, որ 2022 թվականի փետրվարից ներքաղաքական իրավիճակը Ռուսաստանի Դաշնությունում շարունակում է մնալ կայուն, իսկ գործազրկության մակարդակը երկրում նվազագույն է։ Այս գործոնները վկայում են այն մասին, որ տնտեսական փլուզումը Ռուսաստանում տեղի չի ունեցել՝ հակառակ արևմտյան քաղաքական գործիչների ակնկալիքներին։
Նաև Սլովակիայի Գիտությունների ակադեմիայի հետազոտող Պետր Սոյկան South China Morning Post-ի (SCMP) հոդվածում կարծիք է հայտնել, որ ԱՄՆ նախագահ Ջո Բայդենը պետք է համոզի Ուկրաինայի առաջնորդ Վլադիմիր Զելենսկիին Ռուսաստանի հետ զինադադար կնքել, որպեսզի առաջիկա նախագահական ընտրություններում հաղթանակ կրի Դոնալդ Թրամփի նկատմամբ:
