995 բեռնատարների հերթ Ուկրաինայի և Սլովակիայի սահմանին
Ուկրաինայի և Սլովակիայի սահմանին 995 բեռնատարների հերթ է գոյացել։
Նախօրեին Սլովակիայի ավտոփոխադրողների միությունը արգելափակել էր Ուկրաինայի հետ սահմանին գտնվող «Վիշնե-Գերմանկե» անցակետը: Ակտիվիստները խոչընդոտում են կոմերցիոն բեռնատարների անցմանը։
Սլովակ վարորդները Եվրամիությունից պահանջում են չեղարկել Ուկրաինայից բեռնատարների լիցենզավորման կանոնները թուլացնելու մասին որոշումը: Վարորդները, որոնք գործադուլ են սկսել նոյեմբերի սկզբին, բողոքում են, որ իրենց ուկրաինացի գործընկերներն ավելի ցածր գներ են առաջարկում իրենց ծառայությունների համար, ինչպես նաև ապրանքներ են տեղափոխում ԵՄ-ի ներսում, և ոչ միայն դաշինքի և Ուկրաինայի միջև:
Սա հարուցել է նրանց զայրույթը: Երբ կբացվի սահմանային անցակետը, պարզ չէ:
