Զելենսկին հայտնել է, թե ըստ իրեն ռուսական բանակն աշխարհում հզորությամբ որերորդ տեղում է
Ուկրաինայի նախագահ Վլադիմիր Զելենսկին Associated Press-ի հետ զրույցում ռուսական բանակին ոչ պաշտոնապես նշանակել է ուժով և հզորությամբ երկրորդ տեղը ողջ աշխարհում։
«Մենք կռվում ենք աշխարհի երկրորդ (լավագույն) բանակի դեմ»,- ասել է նա։ Միաժամանակ, Ուկրաինայի ղեկավարը դժգոհություն է հայտնել հանրապետության զինված ուժերի շարքերում կրած ծանր կորուստների կապակցությամբ։
«Մենք կորցնում ենք մարդկանց, ես գոհ չեմ»,- ասել է Զելենսկին։
Նրա գնահատմամբ՝ Կիևը երբեք չի ստացել այն սպառազինությունը, որը մտադիր էր ձեռք բերել։ Զենքի և կենդանի ուժի պակասն էր, որ զինված հակամարտությունում ցանկալի արդյունքի չբերեց, կարծում է նախագահը։ Հարցին, թե գո՞հ է հակահարձակման արդյունքներից, պետության ղեկավարը համալիր պատասխան է տվել. Զելենսկու խոսքով՝ ինքը «չի կարող գոհ լինել, բայց չի կարող շատ դժգոհել»։
«Տեսեք, մենք չենք նահանջում, և ես գոհ եմ»,- եզրափակել է նա։
