![Իսրայելը նշել է պատերազմի հիմնական նպատակները](https://auroranews.am/storage/img/base_image/2023-12-01/65698c602c55a.webp)
Իսրայելը նշել է պատերազմի հիմնական նպատակները
![Իսրայելը նշել է պատերազմի հիմնական նպատակները](https://auroranews.am/storage/img/base_image/2023-12-01/65698c602c55a.webp)
Իսրայելը Գազայի հատվածում ռազմական գործողությունների վերսկսման շրջանակներում նպատակ ունի ազատել պատանդներին և վերացնել պաղեստինյան արմատական ՀԱՄԱՍ շարժումը։ Այս մասին հայտնում է ТАСС-ը՝ հղում անելով վարչապետ Բենիամին Նեթանյահուի գրասենյակին։
«Վերադառնալով ռազմական գործողություններին՝ մենք ընդգծում ենք. Իսրայելի կառավարությունը հավատարիմ է պատերազմի նպատակներին հասնելուն»,- ասվում է ուղերձում։
Հրեական պետության վարչապետի գրասենյակը նշել է, որ հիմնական խնդիրներն են պատանդների ազատ արձակումը, ՀԱՄԱՍ-ի ոչնչացումը և երաշխիքների ձեռքբերումը, որ Գազայի հատվածն այլևս երբեք վտանգ չի ներկայացնի Իսրայելի բնակիչների համար։
Դեկտեմբերի 1-ին Իսրայելի բանակը հաստատել է Գազայի հատվածում ռազմական գործողությունների վերսկսումը։