Ֆինլանդիան ամբողջությամբ փակում է Ռուսաստանի հետ սահմանը
Ֆինլանդիայի իշխանությունները նոյեմբերի 30-ից դեկտեմբերի 13-ը հայտարարել են Ռուսաստանի հետ ցամաքային սահմանի փակման մասին, բացառությամբ բեռնափոխադրումների, հայտնում է Reuters-ը։
Նախկինում Ֆինլանդիան գրեթե ամբողջությամբ փակել էր Ռուսաստանի հետ սահմանը՝ Մուրմանսկից երեք ժամ հեռավորության վրա թողնելով միայն մեկ անցակետ։
Վարչապետ Պետերի Օրպոն ասել է, որ սահմանն ամբողջությամբ փակելու որոշումը պայմանավորված է երրորդ երկրներից ապաստան հայցողների կտրուկ աճով, որոնք փորձում են Ռուսաստանից Ֆինլանդիա մտնել։ Ավելի վաղ Օրպոն ենթադրել էր, որ դա կարող է լինել ծրագրված գործողություն Ռուսաստանի կողմից։
Ֆինլանդիայի իշխանությունները կարծում են, որ Մոսկվան փախստականներ է ուղարկում իր սահման՝ ի պատասխան ՆԱՏՕ-ին անդամակցելու և ԱՄՆ-ի հետ պաշտպանական համագործակցության ընդլայնման։ Կրեմլը հերքում է այս մեղադրանքները։
Ֆինլանդիայի սահմանապահ ծառայության տվյալներով՝ նոյեմբերին Ռուսաստանից Ֆինլանդիա է մտել մոտ 900 ապաստան հայցող երկրներից, այդ թվում՝ Աֆղանստանից, Քենիայից, Մարոկկոյից, Պակիստանից, Սոմալիից, Սիրիայից և Եմենից։
ՆԱՏՕ-ի գլխավոր քարտուղար Յենս Սթոլթենբերգը երկուշաբթի օրը Բրյուսելում կայացած մամուլի ասուլիսում ասել է, որ «սա ևս մեկ օրինակ է, երբ Ռուսաստանը օգտագործում է միգրացիան որպես գործիք՝ փորձելով ճնշում գործադրել Եվրոպայի այլ երկրների վրա»:
