«Ես նույնպես թունավորվել եմ ծանր մետաղներով». Սաակաշվիլի

Վրաստանի նախկին նախագահ Միխեիլ Սաակաշվիլին մեկնաբանել է տեղեկությունն այն մասին, որ Ուկրաինայի ռազմական հետախուզության ղեկավար Կիրիլ Բուդանովի կինը՝ Մարիաննան, կարող էր թունավորված լինել և բուժման կուրս է անցնում։

Այն, որ Մարիաննա Բուդանովան թունավորվել է ծանր մետաղներով, պատմել են «Բաբել» հրապարակման անանուն աղբյուրները, Ուկրաինայի ազգային հանրային հեռուստառադիոընկերությունը, «Ուկրաինական պրավդա», Ն.Վ. Պաշտպանության նախարարության հետախուզության գլխավոր վարչության ներկայացուցիչ Անդրեյ Յուսովը «Ազատություն» ուկրաինական ծառայությանը տված մեկնաբանությունում ասել է, որ ԶԼՄ-ների հրապարակած տեղեկատվությունը համապատասխանում է իրականությանը։

«Ես նույնպես թունավորվել եմ ծանր մետաղներով։ Սա տիպիկ ռուսական ոճ է: Ես թունավորվել եմ բանտում, և իմ օրգանիզմում ծանր մետաղների առկայությունը ախտորոշվել է գերմանական և ամերիկյան լաբորատորիաների կողմից։ Թունավորումից հետո վիճակս վատացավ մի քանի շաբաթով, մինչև որ ռուսամետ օլիգարխիկ կառավարությունը համաձայնեց ինձ տեղափոխել այն կլինիկա, որտեղ ես դեռ մնում եմ»,- գրել է Սաակաշվիլին սոցցանցում։