Ադրբեջանի ԶՈւ-ն ընդլայնում է ԱՆ-2  ինքնաթիռների պարկը Եվլախ ավիաբազայում, որտեղ արդեն տեղակայված են տասնյակ երկինքնաթիռներ։ Նախկինում միաշարժիչ երկինքնաթիռները օգտագործվել են որպես հայկական դիրքերը հայտնաբերելու, ինչպես նաև հայկական հակաօդային պաշտպանության համակարգերը ճնշելու համար։ Այս մասին X սոցցանցի իր էջում հայտնել է «The Future Armenian» ծրագրերի համակարգող Դավիթ Առաքելյանը:

«Վերջին բարձր լուծաչափով արբանյակային լուսանկարները ցույց են տալիս, որ առնվազն 41 ինքնաթիռ ներկայումս գտնվում է Ադրբեջանի  հիմնական բազայում՝ սահմանից 150 կիլոմետրից պակաս հեռավորության վրա»,-գրել է նա: