ՏԵՍԱՆՅՈՒԹ. Առաջին ձյունը՝ Երևանում
Առաջին ձյունն է տեղացել մայրաքաղաք Երևանում: Սոցցանցերում օգտատերերը կիսվում են տեսանյութերով:
Ինչպես արդեն հայտնել էինք՝ այսօր՝ ժամը 19:50-ի դրությամբ, Սպիտակի, Արագածի, Վանաձորի, Ճամբարակի, Մարտունիի (Վարդենյաց լեռնանցք), Արարատի (Ջանգակատան հատված), Թալինի, Տաշիրի, Անիի, Արթիկի, Դիլիջանի, Սևանի, Վայքի, Մեղրիի տարածաշրջաններում ձյուն է տեղում: Այս մասին հայտնում են «Ճանապարհային դեպարտամենտ» հիմնադրամից։
Նշվում է, որ Կոտայքի տարածաշրջանում մառախուղ է, տեսանելիությունը՝
150-200 մետր։ Միջպետական և հանրապետական նշանակության բոլոր ավտոճանապարհները բաց
են։
Ճանապարհաշինարարներն ավտոճանապարհներին իրականացնում են մաքրման
և աղ-ավազով մշակման աշխատանքներ:
