Գազա կմտնի օրական 70 հազար լիտր վառելիք․ Իսրայելը թույլատրել է
Իսրայելը համաձայնել է, որ Եգիպտոսով օրական 70 հազար լիտր վառելիք մտնի Գազայի հատված։ Այս մասին նշվում է ՄԱԿ-ի Մարդասիրական հարցերի համակարգման վարչության զեկույցում։
«Նոյեմբերի 19-ին Եգիպտոսից Գազա է մտել 69 հազար լիտր վառելիք։ Իսրայելի իշխանությունները հաստատել են, որ կսկսեն թույլատրել Եգիպտոսից օրական մոտ 70 հազար լիտր վառելիքի ներկրումը, ինչը զգալիորեն ցածր է հիմնական մարդասիրական գործողությունների իրականացման համար անհրաժեշտ նվազագույն պահանջներից»,-գրված է փաստաթղթում։
Պաղեստինցի փախստականների օգնությամբ զբաղվող գործակալությունը նախատեսում է վառելիքը բաշխել հիվանդանոցներում, ջրամատակարարման և սանիտարական օբյեկտներում, ապաստարաններում և այլ ծառայություններում պարենի բաշխման ու գեներատորների աշխատանքը պահպանելու համար:
