Իսրայելական հետախուզական օդապարիկները ՀԱՄԱՍ-ի հարձակման օրը անսարք են եղել. Daily Mail
Գազայի հատվածի մերձակայքում գտնվող Իսրայելի յոթ հետախուզական օդապարիկներից երեքը անսարք են եղել Իսրայելի վրա ՀԱՄԱՍ-ի հարձակման օրը, հաղորդում է Daily Mail-ը՝ վկայակոչելով անվտանգության աղբյուրները և ինքնաթիռների արտադրության ոլորտում աղբյուրները:
«Հետախուզական օդապարիկները, որոնք կարող էին նախազգուշացնել հոկտեմբերի 7-ին ՀԱՄԱՍ-ի աղետալի հարձակման մասին, անմխիթար վիճակում էին, քանի որ դրանք արդիականացված կամ պատշաճ կերպով չեն պահպանվել»,- գրում է թերթը։
Հրատարակության աղբյուրների համաձայն՝ օդապարիկները երկար ժամանակ եղել են սպառնալիքների դեմ Իսրայելի վաղ նախազգուշացման համակարգի առանցքային մասը, և եթե դրանք հարձակման օրը ճիշտ աշխատեին, ամեն ինչ կարող էր այլ կերպ տեղի ունենալ:
Թերթի աղբյուրները օդապարիկների ոչ պատշաճ աշխատանքի համար մեղադրել են Իսրայելի իշխանություններին, որոնք, ըստ նրանց, անհրաժեշտ միջոցներ չեն ներդրել դրանց մեջ։ Պարբերականը նշում է, որ օդապարիկներից մի քանիսը շարունակել են թռչել Գազայի հետ սահմանի վրայով՝ անսարք տեխնիկայով։
