ՏԵՍԱՆՅՈՒԹ. «Երկուսին օգնեցինք, այրվածքներ ունեին, երրորդին չկարողացանք հանել». մանրամասներ ԵՊՀ-ի պայթյունից
Պայթյուն է եղել, որից հետո հրդեհ է բռնկվել։ Sputnik Արմենիայի հետ զրույցում տեղեկությունը հայտնել է ԵՊՀ 1-ին և 2-րդ մասնաշենքերի պարետ Էռնեստ Թովմասովը, որն առաջիններից մեկն է օգնության շտապել տուժածներին։
«Գմփաց, մոտիկացանք, վառվում էր, ծուխ էր, բան չէր երևում։ Երկուսին օգնեցինք, այրվածքներ ունեին, երրորդին չկարողացանք հանել, ներսում մնաց, արդեն խեղդվում էինք»,- ասել է տղամարդը։
Նրա խոսքով՝ ներսում մնացած տղամարդուն արդեն փրկարարներն են բերել դուրս, սակայն նրա կյանքը փրկել չի հաջողվել։
Թովմասովի խոսքով՝ տղամարդիկ 50-60 տարեկան էին, բոլորը` կանաչապատման ծառայության աշխատակիցներ։
