Պարեկները Մեղրիի, Գորիսի ու Կապանի քաղաքապետերին տուգանել են
Վերջին օրերին ՀՀ Ներքին գործերի նախարարության ոստիկանության պարեկային ծառայության Սյունիքի մարզի գումարտակի պարեկները Սյունիքի մարզում հայտնաբերել ու վարչական պատասխանատվության են ենթարկել օրինախախտ վարորդների, այդ թվում՝ պետական պաշտոնյաների: Այս մասին հայտնում է Shamshyan․ com-ը։
Հաղորդվում է, որ պարեկների կողմից ճանապարհային երթևեկության կանոնները խախտելու համար վարչական պատասխանատվության են ենթարկվել Գորիսի քաղաքապետ Առուշ Առուշանյանը, Կապանի քաղաքապետ Գևորգ Փարսյանը և Մեղրիի քաղաքապետ Բագրատ Զաքարյանը:
Մանրամասներ ճշտելու համար Auroranews-ը կապ հաստատեց Ոստիկանության ԶԼՄ-ների հետ կապի, լրատվության և վերլուծության բաժնի պետ Զարզանդ Գաբրիելյանի հետ։
«Անձանց վերաբերյալ նման ինֆորմացիա չենք տալիս և չենք տարածում»,-ասաց Գաբրիելյանը։
