Սա ահռելի թիվ է, որն էականորեն մեծացրել է մեր տնտեսության ներուժը․ Փաշինյան
Ժամանակները պատմական են, որովհետեւ մենք կանգնած ենք մեր պետության եւ պետականության ֆունկցիոնալ նշանակության վերագնահատման անհրաժեշտության առաջ: Այս մասին ԱԺ-ում հայտարարեց ՀՀ վարչապետ Նիկոլ Փաշինյանը:
Վարչապետը նշել է, թե ինչը պետք է լինի այդ ֆունկցիոնալ նշանակության վերագնահատման արդյունքը։
«Հայաստանը ոչ թե պլացդարմ, կամ ֆորպոստ է իր սահմաններից դուրս մշակված և իր սահմաններից դուրս պլաններ իրակագործելու համար, այլ՝ սեփական քաղաքացիների անվտանգությունը, բարեկեցությունը, ազատությունն ու երջանկությունն ապահովելու միջոց։ Պետությունը պետք է առաջնորդվի բացառապես այն նպատակներն իրագործելու տրամաբանությամբով»,- մանրամասնեց նա։
Ըստ Փաշինյանի՝ Հայաստանի պետական շահերի համակարգի գագաթնակետը Հայաստանի տնտեսական զարգացումն է։
«Վերջին 5 տարում մենք ՀՀ-ում 28 տոկոս տնտեսական աճ ենք ապահովել: Սա ահռելի թիվ է, որն էականորեն մեծացրել է մեր տնտեսության ներուժը: Բայց այդ ներուժն օգտգործելու համար անհրաժեշտ են հանրապետության մասնագիտական կրթության, բարձրագույն կրթության եւ գիտության ոլորտում իրականացվող բարեփոխումները»,-հավելեց նա:
