Որքան էլ միջուկային ռումբ ունենաս, քո վերջը եկել է․ Էրդողանը՝ Նեթանյահուին

Թուրքիայի նախագահ Ռեջեփ Թայիփ Էրդողանը հորդորել է Իսրայելի վարչապետ Բենյամին Նեթանյահուին ընդունել իր երկրի միջուկային զենքի առկայությունը: Տեղեկությունը փոխանցում է ՏԱՍՍ-ը։

«Նեթանյահու, ընդունիր, որ դու միջուկային ռումբ ունես։ Խոստովանիր. դու ունես դա, դրա համար էլ սպառնում ես դրանով: Որքան էլ ռումբ ունենաս, քո վերջը (քաղաքականության մեջ) եկել է»,- ասել է նա խորհրդարանում իշխող «Արդարություն և զարգացում» կուսակցության խմբակցության անդամների առջև ունեցած ելույթի ժամանակ։ 

Էրդողանի խոսքով՝ «իսրայելցի նախարարները տեսախցիկներով խոստովանում են, որ միջուկային զենք ունեն»:

«Սակայն ՄԱԳԱՏԷ-ն այդ կապակցությամբ ոչ մի գործողություն չի ձեռնարկում։ Մենք ականատես ենք եղել նման երկակի ստանդարտների, անողնաշարության և անսկզբունքայնության բազմաթիվ դրսևորումների, և դրանք մինչ օրս տեսնում ենք», -նշել է Թուրքիայի նախագահը։