Իսրայելը նշում է Գազայում գործողության ավարտի պայմանը
Իսրայելը չի դադարեցնի իր գործողությունները Գազայի հատվածում մինչև իր նպատակների լիարժեք իրականացումը՝ ՀԱՄԱՍ-ի ոչնչացումը և գերիների վերադարձը, գրում է Jerusalem Post թերթը՝ վկայակոչելով երկրի պաշտպանության նախարար Յոավ Գալանտին: Տեղեկությունը փոխանցում է ՌԻԱ Նովոստին։
«Իսրայելի պետությունը չի դադարեցնի իր գործողությունները Գազայում, քանի դեռ զինվորները չեն կատարել իրենց առաքելությունը՝ ՀԱՄԱՍ-ի ոչնչացումը եւ գերիներին իրենց ընտանիքների մոտ տուն վերադարձնելը», - թերթը մեջբերում է Գալանտի խոսքը Մերձավոր Արեւելքի հարցերով Սպիտակ տան համակարգող Բրեթ Մաքգերքի հետ հանդիպումից:
Ինչպես նշում է թերթը՝ Գալանտը Մաքգերքին տեղեկացրել է Գազայում Իսրայելի գործողությունների առաջընթացի մասին, նրանք քննարկել են նաև գերիների հետ կապված իրավիճակը:
