Հայաստանին զինելը կարող է կրկին հանգեցնել պատերազմի բռնկման․ ադրբեջանցի պաշտոնյա

Որոշ պետությունների կողմից Հայաստանին զենքի տրամադրումը «կարող է պատերազմի վերսկսման պատճառ դառնալ»։ Այս մասին հայտարարել է Ադրբեջանի պետական ​​անվտանգության ծառայության պետ Ալի Նագիևը: Հայտնում են ադրբեջանական լրատվամիջոցները։

Խոսելով տարածաշրջանում առկա իրավիճակի մասին՝ Նագիևն ընդգծել է, որ այն ժամանակ, երբ բարենպաստ հնարավորություն կա տարածաշրջանում կայուն խաղաղություն հաստատելու համար, «անթույլատրելի է, որ որոշ պետություններ զինեն Հայաստանին՝ տարածաշրջանում իրավիճակը կրկին սրելու նպատակով, և նման գործողությունները կարող են պատերազմի վերսկսման պատճառ դառնալ»։

«Թեև բարենպաստ հնարավորություն կա տարածաշրջանում կայուն խաղաղության հաստատման համար, սակայն որոշ պետությունների կողմից անընդունելի է Հայաստանին զինելը՝ տարածաշրջանում իրավիճակը կրկին սրելու նպատակով, նման հանգամանքները կարող են կրկին հանգեցնել պատերազմի բռնկման», - ասել է ադրբեջանցի պաշտոնյան: