ՏԵՍԱՆՅՈՒԹ. 19 բեռնատար վագոններ ռելսերից դուրս են. ՌԴ
ՌԴ Ռյազանի մերձակայքում ռելսերից դուրս են եկել 19 բեռնատար վագոններ: Այս մասին հայտնում է Մոսկվայի երկաթուղին (Մոսկվայի երկաթուղի, Ռուսական երկաթուղիների մասնաճյուղ):
Նախնական տվյալներով՝ գնացքը ռելսերից դուրս է եկել «կողմնակի անձանց միջամտության» պատճառով:
«Այսօր ժամը 07:12-ին (Երևանի ժամանակով` 08:12) Ռիբնոյե-անցագրային կետ հատվածում, ըստ նախնական տեղեկությունների, երկաթուղային տրանսպորտի շահագործմանը չարտոնված անձանց միջամտության արդյունքում բեռնատար գնացքի 19 վագոն դուրս է եկել ռելսերից», - պարզաբանել է կազմակերպությունը:
Վարորդի օգնականը թեթև վնասվածքներ է ստացել, նրան օգնել են շտապօգնության աշխատակիցներ:
Նշվում է, որ միջադեպի հետևանքով բնապահպանական վտանգ չկա։
