Ինչու է Հայկ Մամիջանյանը կանչվել հարցաքննության
«Պատիվ ունեմ» խմբակցության ղեկավար Հայկ Մամիջանյանը կանվչել է հարցաքննության։ Այս մասին նա հայտնել է իր ֆեյսբուքյան էջում։
«Քիչ առաջ ՀՀ քննչական կոմիտեից ստացա հարցաքննության կանչվելու մասին ծանուցագիր` ՀՀ քրեական օրենսգրքի 330-րդ հոդվածի (Բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը, ինչպես նաև այդ նպատակով նյութեր կամ առարկաներ տարածելը) 1-ին մասի հատկանիշներով նախաձեռնված քրեական վարույթով»,– գրել է Մամիջանյանը։
Խմբակցության ղեկավարը հավելել է՝ «վարույթի նախաձեռնման հիմքում դրվել է սույն թվականի սեպտեմբերի 12-ին Ազգային Ժողովում իմ տված ճեպազրույցի և ելույթի ժամանակ արտահայտած խոսքերս»:
