ՏԵՍԱՆՅՈՒԹ․ Ինչ է անում Հայաստանը, որպեսզի Բաքվում կալանավորված անձինք օր առաջ վերադառնան

Հայաստան ու Արտաքին գործերի նախարարությունն անում են ամեն ինչ, որ Բաքվում կալանավորված անձինք օր առաջ վերադառնան Հայաստան։ ՀՀ արտաքին գործերի փոխնախարար Վահան Կոստանյանն այս մասին ասել է լրագրողների հետ զրույցում։

«Մենք միջազգային բոլոր հարթակներում, որոնք վերաբերվում են  մարդու իրավունքներին, բարձրաձայնում ենք այս խնդրի մասին։ Կան իրավական գործընթացներ նաև ՄԻԵԴ-ում, ամբողջ գործիքակազմը, որը հասու է  ԱԳՆ-ին, օգտագործում ենք, որ օր առաջ մեր բոլոր հայրենակիցները, այդ թվում՝ նախկին պաշտոնյաները, վերադառնան», - ասել է նա։ 

ՀՀ ԱԳ փոխնախարարը հավել է․ «Լեռնային Ղարաբաղում տեղի ունեցած բռնի տեղահանումը նաև միջազգային հանրության անգործության հետևանք է, բայց մենք շարունակում ու շարունակելու ենք աշխատանքները միջազգային գործընկերների հետ, որ տարածաշրջանում կայունությանն ու խաղաղությանն ուղղված հստակ քայլեր ձեռնարկեն ու անհրաժեշտության պարագայում ամբողջությամբ կիրառեն այն գործիքակազմը, որն ունեն»։

Մանրամասները՝ տեսանյութում։