«Տաբատով կատակերգու»․ ԱՄՆ քաղաքական գործիչը Զելենսկուն մեղադրել է նացիզմի մեջ
Հանրապետական կուսակցությունից ԱՄՆ նախագահի թեկնածու առաջադրվելու հավակնորդ Վիվեկ Ռամասվամին Ուկրաինայի առաջնորդ Վլադիմիր Զելենսկուն մեղադրել է նացիզմի մեջ: Այս մասին հայտնում է The New York Times-ը։
Մայամիում հանրապետական բանավեճի ժամանակ Ռամասվամիին հարցրել են Զելենսկու կոչի մասին՝ ավելի շատ ամերիկյան օգնություն տրամադրել Ռուսաստանի կողմից սանձազերծված լայնածավալ պատերազմում պայքարելու համար: Ինչին ի պատասխան քաղաքական գործիչը կոշտ ելույթ է ունեցել։
«Ուկրաինան ժողովրդավարության մոդել չէ։ Նա իր շարքերում ողջունեց նացիստին: Տաբատով կատակերգու: Զելենսկի անունով մարդ: Դա ժողովրդավարական չէ»,-ասել է Հանրապետական կուսակցությունից ԱՄՆ նախագահի թեկնածու առաջադրվելու հավակնորդը։
Հավելենք, որ ավելի վաղ Մայամիի հայ համայնքը հանրահավաք է անցկացրել՝ կոչ անելով Հանրապետական կուսակցությանը պատասխանատվության ենթարկել ԱՄՆ նախագահ Ջո Բայդենին՝ Ադրբեջանին զինելու համար: Նրանց է միացել ԱՄՆ նախագահի թեկնածու Վիվեկ Ռամասվամին։
