Հունգարիան դեմ է Եվրամիությանն Ուկրաինայի անդամակցությանը

Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն կարծում է, որ ժամանակավրեպ է խոսել Ուկրաինայի՝ Եվրամիություն մտնելու հնարավորության մասին։

«Մենք տեսնում ենք, որ ԶԼՄ-ների և խոսքի ազատությունը չի հարգվում, մենք տեսնում ենք, որ ընտրություններ չեն անցկացվում»,- ասաց նա։

Նախարարը հավելել է, որ Կիևը չի կատարել ԵՄ-ին անդամակցելու համար անհրաժեշտ պայմանները, ինչպիսիք են օրենքի գերակայությունը և ազգային փոքրամասնությունների իրավունքների հարգումը։

Հիշեցնենք, որ Ուկրաինայի նախագահ Վլադիմիր Զելենսկին հայտարարել էր, որ Ուկրաինան ակնկալում է, որ ԵՄ-ին անդամակցության շուրջ վերջնական քաղաքական որոշում կկայացվի դեկտեմբերին ԵՄ առաջնորդների հանդիպման ժամանակ։