Ուկրաինան պետք է լինի Եվրամիության կազմում. Զելենսկի
Ուկրաինան ակնկալում է, որ ԵՄ-ին անդամակցության շուրջ վերջնական քաղաքական որոշում կկայացվի դեկտեմբերին ԵՄ առաջնորդների հանդիպման ժամանակ։ Այս մասին հայտարարել է Ուկրաինայի նախագահ Վլադիմիր Զելենսկին: Ուկրաինացի առաջնորդն այսկերպ մեկնաբանել է Եվրահանձնաժողովի առաջարկությունները:
«Ուկրաինան պետք է լինի Եվրամիության կազմում: Մենք ընդունում ենք բոլոր անհրաժեշտ որոշումները»,– ասել է նա։
Հիշեցնենք, որ Եվրոպական հանձնաժողովի ղեկավար Ուրսուլա ֆոն դեր Լայենը կազմակերպության անունից առաջարկել էր ԵՄ-ի խորհրդին բանակցություններ սկսել Մոլդովայի և Ուկրաինայի հետ՝ Միությանն անդամակցելու վերաբերյալ, սակայն Ուկրաինան դրա համար պետք է մի քանի պայման կատարի:
Նշվում է, որ Կիևը կատարել է ԵՄ անդամակցության բանակցություններ սկսելու համար անհրաժեշտ 7 պայմաններից միայն 4-ը։
