Սլովակիայի նոր վարչապետը արգելափակել է Կիևին ռազմական օգնության հատկացումը

Սլովակիայի իշխանություններն արգելափակել են Կիևին 40,3 մլն եվրոյի չափով ռազմական օգնության հատկացումը: Կառավարության նոր կաբինետը՝ վարչապետ Ռոբերտ Ֆիկոյի գլխավորությամբ, դեմ է արտահայտվել նախորդ կառավարության նախաձեռնությանը։ Այս մասին հայտնում է РИА Новости-ն՝ հղում կատարելով վերանայված փաստաթղթին։

Հոկտեմբերի վերջին Ռոբերտ Ֆիկոն դեմ է արտահայտվել Ուկրաինային ռազմական մատակարարումներին։ «Հանրապետությունը կշարունակի Կիևին տրամադրել միայն մարդասիրական և քաղաքացիական օգնություն, դա կլինի իմ կառավարության պաշտոնական քաղաքականությունը»,- ընդգծել է Սլովակիայի վարչապետը։