Պատժամիջոցներ ՀԱՄԱՍ-ի դեմ՝ G7-ի երկրների կողմից

G7-ը պատրաստվում է պատժամիջոցներ սահմանել պաղեստինյան ՀԱՄԱՍ շարժման դեմ, որպեսզի կազմակերպությանը զրկեն ֆինանսավորման հնարավորությունից, հաղորդում է իտալական Ansa գործակալությունը՝ վկայակոչելով Տոկիոյում «յոթնյակի» արտգործնախարարների հանդիպման ամփոփիչ հայտարարությունը: Տեղեկությունը փոխանցում է ՌԻԱ Նովոստին։

«G7-ի անդամները տարածաշրջանի գործընկերների հետ միասին գործադրում են բոլոր ջանքերը, որպեսզի կանխեն հակամարտության հետագա էսկալացիան և ավելի լայն տարածումը։ Մենք նաև միասին աշխատում ենք, այդ թվում ՝ պատժամիջոցների կամ այլ միջոցների կիրառման վերաբերյալ, որպեսզի զրկենք ՀԱՄԱՍ-ին չարագործություններ կատարելու համար միջոցներ հավաքելու և օգտագործելու հնարավորությունից»,- ասված Է հայտարարության մեջ։

Հիշեցնենք՝ աշխարհի յոթ զարգացած երկրների ԱԳ նախարարների հանդիպումը տեղի է ունեցել Տոկիոյում նոյեմբերի 7-8-ը: