Հարավային Կովկասում իրավիճակը ծանր է. ՀԱՊԿ գլխավոր քարտուղար
Հարավային Կովկասում իրավիճակը ծանր է: Այս մասին Մոսկվայում ընթացող ԱՊՀ երկրների անվտանգության խորհուրդների քարտուղարների հանդիպմանը հայտարարել է ՀԱՊԿ գլխավոր քարտուղար Իմանգալի Տասմագամբետովը, գրում է ՏԱՍՍ-ը։
«Անդրադառնալով Հարավային Կովկասում տիրող ծանր իրավիճակին՝ ուզում եմ ընդգծել, որ ՀԱՊԿ որոշման նախագիծը, որն ուղղված էր տարածաշրջանում իրավիճակը լիցքաթափելուն, և որը, ցավոք, չընդունվեց անցյալ տարվա նոյեմբերին ՀԱՊԿ խորհրդի նիստում, մնում է ուժի մեջ, եթե ձեռք բերվի կոնսենսուս»,- ասել է նա։
Պաշտոնյան նշել է, որ ՀԱՊԿ պատասխանատվության գոտու հարավային սահմաններում պահպանվում է ահաբեկչական գործունեության, անօրինական միգրացիայի, զենքի և թմրամիջոցների ապօրինի շրջանառության վտանգը։
