ՀԱՄԱՍ-ի հետ քննարկում են պատանդների ազատ արձակումը հրադադարի դիմաց․ ԶԼՄ
Քաթարը, որպես միջնորդ, շարունակում է բանակցությունները հոկտեմբերի 7-ին Իսրայելում ՀԱՄԱՍ-ի զինյալների կողմից գերեվարված 10-15 պատանդների ազատ արձակման շուրջ՝ Գազայի հատվածում ժամանակավոր հրադադարի դիմաց:
Այս մասին, հղում անելով բանակցությունների ընթացքի մասին իրազեկ աղբյուրին, գրում է AFP գործակալությունը։
Աբյուրը նշել է՝ պատանդներին կարող են բաց թողնել Իսրայելի կողմից ռազմական գործողությունների մեկ կամ երկու օրվա դադարեցման դիմաց:
