Լավրովը զգուշացրել է մոտալուտ մեծ պատերազմի մասին
Հավաքական Արևմուտքի երկրները Մերձավոր Արևելքին մղում են մեծ պատերազմի շեմին: Այս մասին հայտարարել է ՌԴ ԱԳ նախարար Սերգեյ Լավրովը, փոխանցում է ՌԻԱ Նովոստիին:
«Այժմ մենք տեսնում ենք, թե ինչպես են անգլո-սաքսոնները բառացիորեն մղում Մերձավոր Արևելքը մեծ պատերազմի շեմին: Այս գիծը լիովին դրսևորվում է այլ տարածաշրջաններում, այդ թվում Ուկրաինայում: Օրինակները շատ են, բայց արդյունքը նույնն է՝ կորուստ կամ պետականության թուլացում, ինչպես դա եղավ Իրաքի, Լիբիայի հետ, ինչպես փորձեցին անել Սիրիայի Արաբական Հանրապետության հետ»,- ասել է նախարարը:
Նա նշել է, որ արևմտյան երկրների նման քաղաքականության արդյունքը «ահաբեկչության և ծայրահեղականության աճն է, մարդկային ճակատագրերի բեկումը, ավերված ընտանիքները, փախստականների բազմամիլիոն հոսքերը»։
