Քըլըչդարօղլուն պարտվեց․ ով է Թուրքիայի ընդիմության նոր առաջնորդը
Թուրքիայի գլխավոր ընդդիմադիր կուսակցությունը նոր առաջնորդ ունի: Թուրքիայի Ժողովրդահանրապետական կուսակցության նոր նախագահ է դարձել Օզգյուր Օզելը։
Նոր նախագահն այդ պաշտոնում փոխարինել է կուսակցության երկարամյա առաջնորդ Քեմալ Քըլըչդարօղլուին։ Վերջինս նախագահել է ավելի քան 13 տարի։ Թուրքական լրատվամիջոցների փոխանցմամբ՝ Թուրքիայի հիմնական ընդդիմադիր ուժի՝ քեմալական CHP-ի ղեկավարը 13 տարվա ընթացքում առաջին անգամ է փոխվել։
Նշենք, որ նախկին առաջնորդը մեկնաբանել է իր պարտությունը։
«Մեր պատվիրակների որոշմամբ հրաժեշտ եմ տալիս նախագահի պաշտոնին։ Շնորհակալություն բոլոր նրանց, ովքեր մինչ այժմ աջակցել են մեր պայքարին», - ասել է Քըլըչդարօղլուն։
Նա նաև շնորհավորել է Օզելին հաղթանակի կապակցությամբ։
