ՏԵՍԱՆՅՈՒԹ․ Ռուսաստանում դանակով զինված տղամարդը ներխուժել է սուպերմարկետ և նետվել գնորդների վրա
Խանտի-Մանսիական ինքնավար մարզում դանակով զինված տղամարդը ներխուժել է սուպերմարկետ եւ սկսել նետվել գնորդների վրա: Տեղեկությունը հայտնում է SHOT տելեգրամ ալիքը։
SHOT-ի տվյալներով՝ ոչ ադեկվատ անձը սկզբում ջարդուփշուր է արել խանութի ալկոհոլի վաճառասեղանները։ Ականատեսների խոսքով՝ նա թմրանյութի ազդեցության տակ է եղել եւ դանակ է թափահարել։ Զինված տղամարդը հարվածներ է հասցրել գնորդներից մեկի ձեռքին։ Դրանից հետո հարձակվողը նստել է հատակին եւ սկսել բղավել։
Ճանապարհային ոստիկանության աշխատակիցներն, ովքեր մոտակայքում էին, կարողացել են ձերբակալել նրան: Վերջինս դիմադրություն է ցույց տվել, սակայն նրան հաջողվել է ձեռնաշղթաներ հագցնել եւ տանել բաժանմունք։ Այժմ գործով զբաղվում են քննիչները։
