«Նեթանյահուի, որպես Իսրայելի վարչապետ օրերը հաշված են․ նա կդիմանա մի քանի ամիս»․ Բայդեն
ԱՄՆ նախագահ Ջո Բայդենը կարծում է, որ Իսրայելի վարչապետ Բենիամին Նեթանյահուի քաղաքական կարիերան մոտենում է ավարտին։ Այս մասին գրում է Politico թերթը՝ վկայակոչելով ամերիկյան վարչակազմի աղբյուրները։
Ինչպես գրում է հրատարակությունը, Սպիտակ տունը «կարծում է, որ Նեթանյահուի, որպես Իսրայելի վարչապետ օրերը հաշված են», և նա «կդիմանա մի քանի ամիս կամ մինչև Գազայի հատվածում իսրայելական ռազմական գործողության սկզբնական փուլի ավարտը»։
Politico-ն նշում է, որ Բայդենը Նեթանյահուի հետ առանձնազրույցում քննարկել է վարչապետի պաշտոնում իր ապագա հեռանկարները և նրան առաջարկել է «մտածել, թե ինչ սցենար կառաջարկի իր իրավահաջորդին»։
Ավելի վաղ մամուլի ասուլիսում Նեթանյահուն խուսափել էր իր հրաժարականի հավանականության մասին հարցին պատասխանելուց՝ ընդգծելով, որ այժմ ամբողջությամբ կենտրոնացած է Գազայի հատվածում ռազմական գործողություն իրականացնելու վրա՝ ընդդեմ արմատական պաղեստինյան ՀԱՄԱՍ շարժման։
ԱՄՆ-ի նախագահը նաև հանդես է եկել Գազայի հատվածում հումանիտար դադարի օգտին այն բանից հետո, երբ նրա ելույթն ընդհատվել է զինադադար պահանջող ցուցարարի կողմից։ «Կարծում եմ, որ մեզ դադար է պետք: Դադարը նշանակում է ժամանակ գերիներին դուրս բերելու համար», - ասել է Բայդենը:
Միևնույն ժամանակ, նա անտեղի անվանել Իսրայելի և «ՀԱՄԱՍ» - ի միջև ռազմական հակամարտության գոտում կրակի ամբողջական դադարեցման կոչերը: Ջո Բայդենի խոսքով ՝ Իսրայելն այժմ «բացարձակ լեգիտիմ գործողություններ» է իրականացնում սեփական պաշտպանության ուղղությամբ, սակայն դրա հետ մեկտեղ անհրաժեշտ է մտածել Գազայի հատվածի խաղաղ բնակիչների կյանքը պահպանելու մասին:
