«Հավանականություն կա, որ արհեստական բանականությունը կսպանի մեզ բոլորիս»․ Մասկ

Արհեստական բանականությունը կամ ​​ինտելեկտը (AI-ն) պոտենցիալ սպառնալիք է դարձել մարդկության գոյության համար։ Նման հայտարարությամբ է հանդես եկել գործարար Իլոն Մասկը AI-ի անվտանգության գագաթնաժողովի ժամանակ։

«Առաջին անգամ մենք ունենք մի իրավիճակ, երբ ինչ-որ բան շատ ավելի խելացի կլինի, քան ամենախելացի մարդը... Ինձ համար պարզ չէ՝ մենք իսկապես կարո՞ղ ենք վերահսկել նման սուբյեկտին», - ասել է Իլոն Մասկը։ 

Մասկը կարծում է, որ արհեստական ​​բանականության գոյությունն իր մեջ պարունակում է «էկզիստենցիալ ռիսկ», որին բախվում է մարդկությունը։

«Հավանականություն կա, որ AI-ն կսպանի մեզ բոլորիս», - կարծում է նա

Սա առաջին դեպքը չէ, երբ Մասկը զգուշացնում է արհեստական բանականության վտանգի մասին։ Մարտի 30-ին նա կատակել է, որ AI-ն կարող է դառնալ նոր աստվածը: 

Հավելենք՝ ընդհանուր առմամբ 28 կառավարություններ ստորագրել են արհեստական ​​ինտելեկտի (AI) զարգացմանը նվիրված այսպես կոչված Բլեչլիի հռչակագիրը բրիտանական կառավարության կողմից կազմակերպված արագ զարգացող տեխնոլոգիաների անվտանգության գագաթնաժողովի առաջին օրը: