Հակահարձակման ծրագրի ձախողում է․ Պետդումայից մեկնաբանել են Զալուժնիի հայտարարությունը
Ուկրաինայի Զինված ուժերի գլխավոր հրամանատար Վալերի Զալուժնիի խոսքերը ռազմաճակատում փակուղու մասին կապված են Կիևի հարձակման ձախողման հետ։ Այսպես է Lenta.ru-ին մեկնաբանել զինվորականի հայտարարությունը Պետդումայի միջազգային հարցերով հանձնաժողովի նախագահի առաջին տեղակալ Ալեքսեյ Չեպան։
«Առաջին հերթին նրա հայտարարությունը խոսում է այն մասին, որ, այսպես կոչված, հակահարձակումն ամբողջությամբ ձախողվել է։ Այս ձախողմանը փորձում են ինչ-որ բացատրություններ գտնել։ Այսօր մեծ թվով դիրքերում ՆԱՏՕ-ի զենքերը զիջում են մերին (...): Սա վկայում է հակահարձակման ԱՄՆ-ի ծրագրերի լիակատար ձախողման մասին»,- հավելել է նա։
Պատգամավորի կարծիքով՝ այդպիսով Վալերի Զալուժնին փորձում է ազդել ԱՄՆ-ի վրա և ստանալ նոր զենք, որը կարող է մարտի դաշտում իրավիճակը փոխել հօգուտ Ուկրաինայի:
Հիշեցնենք, որ Ուկրաինայի Զինված ուժերի գլխավոր հրամանատար Վալերի Զալուժնին The Economist-ի բրիտանական հրատարակության համար իր հոդվածում ասել է, որ Ռուսաստանի Դաշնության հետ ռազմական հակամարտությունը «մտել է փակուղի», և չպետք է ճակատում երկու կողմից ակնկալել բեկումներ։
