ԱՄՆ զինվորականները կարող են մասնակցել Իսրայելի ռազմական գործողությանը. փորձագետ
Մերձավոր Արևելքում ամերիկյան հատուկ նշանակության ստորաբաժանումների առկայությունը վկայում է Իսրայելի ռազմական գործողությանն ԱՄՆ հնարավոր մասնակցության մասին, «Իզվեստիա»-ին տված հարցազրույցում ասել է ռազմական փորձագետ Վիկտոր Լիտովկինը։
Այսպես է նա մեկնաբանել Միացյալ Նահանգների ստորաբաժանումների` Իսրայել ժամանելու մասին հայտարարությունը։
Փորձագետը նշել է, որ ամերիկացիները երկու ավիակիր հարվածային խմբեր են «բերել», իսկ ԱՄՆ-ն նաև նյութական աջակցություն է ցուցաբերում՝ տարեկան 4 միլիարդ դոլար հատկացնելով Իսրայելին զենք գնելու համար։
Լիտովկինն ընդգծել է, որ չի զարմանա, եթե հաստատվի ամերիկացի զինվորների մասնակցությունը ռազմական գործողությանը։
Հիշեցնենք, որ ԱՄՆ հատուկ նշանակության ծառայողները ժամանել են Իսրայել՝ երկրի իշխանություններին պատանդներ գտնելու հարցում օգնություն ցուցաբերելու համար:
